CHELSEA YAICHAPA BOURNEMOUTH NA KUENDELEA KUJIKITA KILELENI

Chelsea imeendelea kuongoza Ligi Kuu ya Uingereza kwa tofauti ya pointi saba, kwa kupata ushindi murwa wa magoli 3-1 dhidi ya Bournemouth.

Ikiwa na shinikizo la Tottenham ambayo iliifunga mapema Watford, wageni Chelsea walionekana kuanza vyema mchezo huo baada ya kupata magoli mawili kipindi cha kwanza.

Hata hivyo Bournemouth, ambao waligonga mwamba wa goli, walichomoa goli moja kupitia shuti la mpira wa mbali la Joshua King.

Bournemouth waliaendelea kufanya mashambulizi, lakini walikuwa Chelsea waliobahatika kufunga goli la tatu kupitia mpira wa adhabu uliopigwa kiufundi na Marcos Alonso.

   Diego Costa akishangilia baada ya mpira alioupiga kutumbukizwa kimiani na Adam Smith aliyejifunga 

                    Eden Hazard akiwa ametumbukiza kimiani mpira na kuandika goli la pili