BONDIA FLOYD MAYWEATHER KUZIDUNDA NA CONOR MCGREGOR LAS VEGAS, AGOSTI 26

Bingwa wa ngumi wa dunia zamani Floyd Mayweather atapigana na bingwa wa mapigano ya mchezo wa ngumi na mateke UFC, Conor McGregor, katika pambano la ngumi la uzito wa light-middleweight Jijini Las Vegas, Agosti 26.

Bingwa huyo Mmarekani Mayweather, mwenye umri wa miaka 40, ametuma posti ya video ya twitta akithibitisha taarifa za kuwapo kwa pambano hilo lililokuwa linangojewa kwa hamu, na kusema sasa lipo rasmi.

Naye bingwa wa UFC uzito wa lightweight McGregor, mwenye umri wa miaka 28, amesema pambano hilo lipo. Imeripotiwa mabondia hao watajichumia kitita cha dola milioni 100 katika pambano hilo ambalo ni miongo mwa mapambano ya kitajiri zaidi katika historia.