SERIKALI YA ZIMBAMBWE YATAKA GRACE MUGABE APEWE KINGA YA KIDIPLOMASIA ILI ASISHTAKIWE

Serikali ya Zimbabwe imetaka kupatiwa kinga ya Kidiplomasi mke wa rais Robert Mugabe, Grace dhidi ya kesi ya shambulizi la kudhuru mwili dhidi ya mwanamke mmoja raia wa Afrika Kusini.

Grace Mugabe bado yupo Afrika Kusini kwa mujibu wa Wizara ya Mambo ya Ndani, ikiwa ni kinyume na taarifa za awali ambazo zilisema kuwa amesharejea Zimbabwe.

Mwanamitindo raia wa Afrika Kusini mwenye miaka 20, amemtuhumu Garce Mugabe kwa kumjeruhi katika hoteli moja Jijini Johannesburg siku ya jumapili.

Polisi nchini Afrika Kusini walitarajia Grace Mugabe kujisalimisha jana ili kufikishwa Mahakamani lakini hakufanya hivyo.