JOSE MOURINHO AANZA TAMBO BAADA YA KUTINGA HATUA YA 16 BORA

Jose Mourinho amesema timu hazitofurahia zikipangwa kukutana na Manchester United katika hatua ya mtoano Ligi ya Mabingwa Ulaya baada ya kuifunga jana CSKA Moscow 2-1.

Katika mchezo huo Manchester United ilitokea nyuma na kujihakikishia kutinga hatua ya 16 bora ikiwa ni mara ya kwanza kufikia hatua hiyo tangu David Moyes alipokuwa kocha.

CSKA Moscow ya Urusi ilikuwa ya kwanza kufunga goli kupitia kwa Vitinho katika kipindi cha kwanza lakini Romelu Lukaku akasawazisha kisha Marcus Rashford akaongeza la pili.

               Mshambuliaji Marcus Rashford akiifungia Manchester United goli la pili 

             Romelu Lukaku akijaribu kufunga goli kwa kujirusha mithili ya sarakasi