MANCHESTER UNITED YAFUTA GUNDU LA KUTOA SARE TATU MFULULIZO

Manchester United imerejea katika nafasi ya pili kwenye msimamo wa Ligi Kuu ya Uingereza baada ya kupata ushindi mwepesi wa magoli 2-0 dhidi ya Everton katika dimba la Goodison Park.

Kocha wa United Jose Mourinho alikuwa akihaha kumaliza mfululizo wa sare tatu na alifanikiwa kumaliza matokeo hayo licha kukabiliwa na upinzani kutoka kwa kikosi butu cha kocha Sam Allardyce.

Anthony Martial alishuka dimbani baada ya kukosekana kwa Romelu Lukaku na Zlatan Ibrahimovic na kufanikiwa kufunga kwa shuti zuri la mpira wa kuzungusha na Jesse Lingard akafunga la pili.

   Mfaransa Anthony Martial akiachia shuti na kufunga goli la kwanza la Manchester United

Mpira uliopigwa na Jesse Lingard (hayupo pichani) ukijaa wavuni na kumshinda kipa wa Everton