UWANJA WA NDEGE WA JOMO KENYATTA WAFUNGWA

Uwanja Mkuu wa Ndege wa Kenya wa Jomo Kenyatta umefungwa kufuatia moto ambao umeteketeza kabisa kitengo cha wanaowasili cha uwanja huu leo alfajiri.

Moto huo uliotokea majira ya saa 11 alfajiri bado unaendelea kudhibitiwa na vikosi mbalimbali vya zima moto, huku uwanja huo ukizingirwa na kikosi cha polisi cha (GSU).

Rais Uhuru Kenyatta alitembelea uwanja huo leo majira saa 3 asubuhi, kujionea hali halisi, vilevile Waziri wa Mambo ya Ndani Joseph ole Lenk, Waziri wa Uchukuzi Michael Kamau pamoja na Waziri Anne Waiguru walifika katika eneo la tukio.