BERLUSCONI AHUKUMIWA KUFANYA KAZI YA KUJITOLEA KUHUDUMIA WAZEE

Aliyekuwa Waziri Mkuu wa Italia Silvio Berlusconi ameagizwa na mahakama moja ya Milan kujitolea kufanya kazi za jamii katika nyumba ya kulelea wazee.

Hukumu hiyo inafuatia kutiwa hatiani mwaka jana kwa kosa la kukwepa kulipa kodi katika ununuzi wa haki za TV kupitia kampuni yake ya Mediaset mwaka 1990.

Wanasheria wa Berlusconi wamesema wameridhishwa na hukumu hiyo kutoa fursa kwa mteja wao kuendelea kujishughulisha na shughuli za kisiasa.