SERIKALI YA KENYA YAWAPONDA MABALOZI WALIOTOA TUHUMA ZA RUSHWA

Serikali ya Kenya imekanusha tuhuma za rushwa zilizotolewa wiki iliyopita na mabalozi 18 wa nchi za nje waliopo nchini humo kwa kusema kuwa hazina msingi wowote.

Waziri wa Mambo ya Nje na Biashara ya Kimataifa Karanja Kibicho, amesema mabalozi hao walikuwa wanatafuta umaarufu wa bei chee kwa kutumia vitu vya kutungwa na uchochezi.