VIONGOZI WA DINI KENYA VYATAKA VYOMBO VYA ULINZI KUHESHIMU UTU KATIKA OPERESHENI ZAKE

                                                                   John Kardinali Njue

 

Viongozi wa dini ya Kikristo nchini Kenya na jumuiya ya wafanyabiashara wa Eastleigh, Jijini Nairobi wameiomba serikali kutumia ubinadamu katika msako wake dhidi ya watuhumiwa wa ugaidi pamoja na wahamiaji haramu nchini.

Akiongea katika mkutano wao wa pamoja katika Kanisa la Watakatifu la Jijini Nairobi, John Kardinali Njue, amevipongeza vyombo vya ulinzi kwa jitihada za kukabiliana na uhalifu, na kutoa wito viheshimu utu na uhai katika operesheni zake.