KLABU YA SEVILLA YATWAA UBINGWA WA LIGI YA UROPA KWA MATUTA

Klabu ya Sevilla imeifunga kwa mikwaju ya penati Benfica na kutwaa ubingwa wa Ligi ya Uropa katika mchezo uliochezwa Turin, na kuweka rekodi ya kuchukua kombe hilo mara tatu katika misimu tisa.

Matokeo hayo yameifanya Benfica, kushindwa mara saba katika michezo saba ya fainali ligi ya uropa na kukosa nafasi kulitwaa kombe hilo tangu mwaka 1962.

Mchezaji Kevin Gameiro alifunga mkwaju wa penati ya mwisho baada ya kipa wa Sevilla, Beto kupangua mikwaju ya penati ya Oscar Cardozo na Rodrigo, na kufanya matokeo kuwa mabao 4-2.

          Rais wa UEFA Michel Platini akikabidhi kikombe kwa wachezaji wa Sevilla

Wachezaji wa Sevilla wakishangilia ushindi