MWENDESHA MASHTAKA WA ICC FATOU BENSOUDA ASEMA KESI YA WILLIAM RUTO KUENDELEA LICHA YA VIKWAZO

Kesi iliyopo Mahakama ya Kimataifa ya Uhalifu (ICC) dhidi ya Naibu Rais wa Kenya William Ruto, itaendelea mbele licha ya kukabiliwa na vikwazo vikubwa, Mwendesha Mashtaka wa Mahakama hiyo Fatou Bensouda amesema.

Bensouda pia amesema anapanga kukutana na katika siku za hivi karibuni na Mwanasheria Mkuu Githu Muigai, kuzungumzia ombi la mahakama la kutaka kuweza kupata rekodi za kifedha za Rais Uhuru Kenyatta.

Alipo ulizwa kuhusu kesi ya Ruto, katika mkutano na waandishi wa habari kwenye Makao Makuu ya Umoja wa Mataifa, Bi. Bensouda amesema kunavikwazo vingi kwa mashahidi kukataa kutoa ushahidi baada ya kubadili misimamo yao katika dakika za mwisho.