ANDY MURRAY NA RAFAEL NADAL WATINGA ROBO FAINALI YA FRENCH OPEN

Muingereza Andy Murray amemtoa Fernando Verdasco kwa kupata ushindi wa seti zote kwenye michuano ya tenesi ya Wazi ya Ufaransa na kutinga robo fainali ya michuano hiyo.

Bingwa huyo wa Wimbledon alipambana kiume na kushinda seti 6-4 7-5 7-6 (7-3), na sasa atakutana na Mfaransa Gael Monfils siku ya jumatano.

Naye Rafael Nadal ameonekana kuimarisha mipango yake ya kutaka kutwaa kwa mara ya tano ubingwa wa michuano hiyo kwa kutinga robo fainali kwa seti 6-1 6-2 6-1 dhidi ya Dusan Lajovic.