LUIS SUAREZ AJIUNGA NA KAMBI YA URUGUAY NA KUASHIRIA KUPONA GOTI

Mshambuliaji wa Liverpool Luis Suarez amewasili katika kambi ya timu ya taifa ya Uruguay hapo jana ikiwa ni siku chache tu kupita baada ya kufanyiwa upasuaji kwenye goti lake.

Mchezaji huyo wa Ligi Kuu ya Uingereza anamatumaini ya kuisaidia timu yake kushinda mchezo wao wa ufunguzi wa kombe la dunia dhidi ya Costa Rica hapo Juni 14.

Na uwezekano wa yeye kushuka dimbani umeimarisha ari katika timu ya taifa ya Uruguay na tayari daktari wake Alberto Pan ametanabaisha kuwa mshambuliaji huo ameelekea kupona baada ya kufanya mazoezi.