NEYMAR AONYESHA KIWANGO CHA JUU NA KUIONGOZA BRAZIL KUICHAKAZA PANAMA

Nyota wa Brazil Neymar ameonyesha kiwango cha juu baada ya kuifungia timu yake ya taifa bao moja na kutoa msaada wa kufunga mengine wakati Brazil ikiichakaza Panama kwa mabao 4-0, katika mchezo wa maandalizi ya michuano ya Kombe la Dunia.

Mshambuliaji huyo wa Barcelona alipachika bao kwa mpira wa adhabu, kabla ya kumpa pande Dani Alves kufunga bao la pili katika kipindi cha kwanza.

Mabao mengine ya Brazil yalifungwa na Hulk na Willian katika mchezo huo unaotoa picha ya namba wenyeji hao wa michuano ya Kombe la Dunia walivyojiandaa vyema.

Matokeo mengine ya mechi za kirafiki za kimataifa za kujiandaa na michuano ya kombe la dunia jana yalikuwa ni Costa Rica 1 - 3 Japan, United Arab Emirates 1 - 0 Georgia, Czech Republic 1 - 2 Austria na Switzerland 2 - 0 Peru.

Hulk akiunganisha wavuni mpira uliopikwa kwa tik taka na Neymar

               Mashabiki vimwana wa Brazil wakishangilia