NOVAK DJOKOVIC NA MARIA SHARAPOVA WATINGA NUSU FAINALI YA MICHUANO YA WAZI YA UFARANSA

Novak Djokovic ameonyesha makali yake na kumtoa Milos Raonic katika michuano ya wazi ya tenesi ya Ufaransa na kutinga nusu fainali.

Mchezaji huyo namba mbili duniani ameshinda kwa seti 7-5 7-6 (7-5) 6-4 na kutinga nusu fainali na sasa atakutana na Ernests Gulbis wa Lativia.

Naye Maria Sharapova alijikuta akifungwa katika seti ya kwanza kabla ya kuamka kutoka usingizini na kupambana vilivyo na kumshinda Garbine Muguruza na kutinga hatua ya nusu fainali.

Mrusi Sharapova ambaye alishinda taji la michuano hiyo mnamo mwaka 2012, alifanikiwa kumaliza mchuano huo kwa matokeo ya seti 1-6 7-5 6-1.