MAMA AJIANDALIA MAZISHI YAKE BAADA YA VIPIMO KUONYESHA KIMAKOSA ANASARATANI KALI

Mama wa watoto wawili nchini Uingereza ameelezea mateso aliyopitia kwa miaka miwili baada ya vipimo kuonyesha kimakosa anaugua saratani mbaya ambapo madaktari walimuambia ataishi kwa muda wa miaka miwili tu.

Mama huyo Denise Clark, ilibidi aandae mipango ya mazishi yake, na kuandika ujumbe wenye kuvuta hisia wa kuwaaga watoto wake wawili ambao mmoja ni mwanaume na mmoja mwanamke..

Hata hivyo Clark aliamua kwenda Hispania kupatiwa tiba mbadala ili kuongeza muda wa kuishi, na baadae baada ya kufanyiwa vipimo madaktari walibaini kile walichodhani kuwa ni saratani ni kovu lililobakia zamani wakati akitibiwa saratani katika miaka ya nyuma.