MAN UTD YAIFUNGA INTER MILAN KWA MATUTA 5-3 JIJINI WASHINGTON DC

Kocha Louis van Gaal ameendelea kuinoa vyema Manchester United baada ya kupata ushindi mwingine wa penati 5-3 dhidi ya Inter Milan katika mchezo wa kujiandaa na ligi kuu ya Uingereza uliochezwa jana Jijini Washington DC.

Katika mchezo huo ulioisha kwa sare tasa ya 0-0, magoli ya penati ya Manchester United yalipachikwa kimaini na Ashley Young, Javier Hernandez, Tom Cleverley, Shinji Kagawa na Darren Fletcher.

Manchester United kwa sasa imeshinda michezo yake yote mitatu ya kirafiki katika ziara yake hiyo ya nchini Marekani.

Kocha van Gaal  na Ryan Giggs wakifurahia mchezo huo