NCHI YA GUINEA YAFUNGA MIPAKA YAKE NA LIBERIA PAMOJA NA SIERRA LEONE ILI KUDHIBITI EBOLA

Nchi ya Guinea imefunga mipaka yake na Liberia pamoja na Sierra Leone katika kudhibiti kusambaa kwa ugonjwa hatari wa Ebola uliokwisha uwa watu 959 katika nchi hizo tatu.

Mlipuko huo wa sasa wa Ebola inaaminika ulianzia Guinea, hata hivyo Liberia na Sierra leone ndizo kwa sasa zinakabiliwa na kasi kubwa ya maambukizi mapya ya virusi vya Ebola.

Shirika la Afya Duniani (WHO) Ijumaa lilitangaza kuwa kusambaa kwa virusi vya ugonjwa huo ni janga la afya la dharura.