RAIS OBAMA AAMURU KUFANYWA MASHAMBULIZI YA ANGA NCHINI IRAK

Rais Barack Obama ameamuru kutekelezwa kwa mashambulizia ya anga dhidi ya wapiganaji wa Kiislam wa Kaskazini mwa Irak, hata hivyo amesema hatorudisha majeshi ya Marekani nchini humo.

Amesema wapiganaji wa Dola ya Kiislam (IS), watalengwa katika mashambulizi hayo ili kudhiditi vitendo vya mauaji vinavyofanywa dhidi ya watu wa madhehebu mengine madogo, na kuhatarisha masilahi ya Marekani.

Mashambulizi hayo ya anga hayajaanza, hata hivyo Marekani imekuwa ikidondosha misaada ya kibinadamu kwa njia ya ndege kutokana na tishio la wapiganaji hao.

IS wametwaa mji mkubwa wanaoishi Wakristo nchini Irak wa Qaraqosh, na kuwafanya wakazi wake kuukimbia.