MICHAEL JACKSON AENDELEA KUINGIZA KIKUBWA AKIWA KABURINI

Mfalme wa Pop marehemu Michael Jackson ameendelea kuingiza kipato kikubwa licha ya kufariki dunia miaka mitano iliyopita.

Michael Jackson kwa mara nyingine tena amempita marehemu Elvis Presley na kuwa supastaa aliyekufa anayeongoza kwa kuingiza kipato katika mwaka 2014.

Mfalme huyo wa Pop ameendelea kuingiza fedha akiwa kaburini, hata kuliko mastaa waliohai, ambapo imeelezwa ameingiza kiasi cha dola milioni 140.

Kwa mujibu wa jarida la Forbes, marehemu Michael Jackson ameingiza fedha mara tatu zaidi ya marehemu Elvis Presley, ambaye aliingiza dola milioni 55, katika kipindi kama hicho cha miezi 12.