WAPIGANAJI WA IS WAJIONDOA KATIKA MJI WA KOBANE NCHINI SYRIA

Afisa mmoja wa Kikurdi amesema wapiganaji wa Kundi la Dola ya Kiislam (IS) wanajiondoa katika maeneo ya Mji wa Kobane nchini Syria.

Kiongozi huyo Idriss Nassan ameiambia BBC, IS wamepoteza asilimia 20 ya maeneo ya mji huo waliyokuwa wanayashikilia katika siku za hivi karibuni.

Maafisa wa Ulinzi wa Marekani wamesema mamia ya wapiganaji wameuwawa katika maeneo ya Mji wa Kobane, kufuatia mashambulizi ya anga yanayoongozwa na Marekani.