RAIS BARACK OBAMA AWATOA HOFU WAMAREKANI KUHUSU EBOLA

                                              Muuguzi aliyepata maambukizi ya Ebola 

Rais Barack Obama ameondoa uwezekano wa kuwepo wa mlipuko wa Ebola nchini Marekani, kwa kusema hatari ya Wamerikani kupata maambukizi ya virusi vya ugonjwa huo ipo chini mno.

Rais Obama ametoa kauli hiyo baada ya muuguzi wa pili Marekani kuambukizwa Ebola baada ya kumtibu raia wa Liberia ambaye aliyefariki kwa ugonjwa wa Ebola huko Dallas.

Wakati huo huo, Mkuu wa Umoja wa Mataifa ameonya kuwa nchi za Afrika Magharibi, zinakabiliwa na uwezekano wa mgogoro wa chakula kutokana na mlipuko wa Ebola.

Ugonjwa huo umeuwa watu 4,500 hadi sasa wengi wao kutokea nchi za Liberia, Guinea pamoja na Sierra Leon.