RAIS WA SIERRA LEONE ABADILI UONGOZI WA CHOMBO KINACHOKABILIANA NA EBOLA

Rais wa Sierra Leone Ernest Bai Koroma ametangaza mabadiliko makubwa ya chombo kinachosimamia mapambano dhidi ya mlipuko wa ugonjwa hatari wa Ebola nchini humo.

Amesema kuanzia sasa Waziri wa Ulinzi ataongoza kitengo cha taifa cha kukabiliana na ugonjwa huo na kuripoti moja kwa moja kwake. Hapo awali kitengo hicho kilikuwa kikiongozwa na Waziri wa Afya.

Rais Koroma amesema kunahaja ya kuchukua hatua za haraka kutokana na watu kuendelea kufa kwa ugonjwa wa Ebola nchini mwake.

Mlipuko wa hivi sasa wa Ebola umeshauwa watu 1,200 nchini Sierra Leone, na zaidi ya 4,500 katika mataifa ya nchi za Afrika Magharibi.