SERIKALI YA KENYA YAGOMA KUWAONDOA WATUMISHI WA UMMA WALIOPO MANDERA

Serikali ya Kenya imekataa kuwaondoa makumi ya maafisa wa umma pamoja na familia zao walioweka kambi katika uwanja wa ndege wa jeshi, wakiwa na mali zao baada ya kutokea tukio la kuuwawa wenzao 28 na kundi la al-Shabaab siku ya jumamosi huko Mandera.

Badala yake serikali ya Kenya, imewataka wafanyakazi hao kurejea kazini, na kuwahakikishia kuwa usalama wao utalindwa.

Hata hivyo watumishi hao wa umma wameendelea kushikilia msimamo wake kuwa wanahofia usalama wa maisha yao na kamwe hawataondoka katika eneo hilo la jeshi.