IDADI YA MAGARI YANAYOCHOMWA MOTO USIKU WA MWAKA MPYA YAPUNGUA NCHINI UFARANSA

Serikali ya Ufaransa imesema idadi ya magari yanayochomwa moto nchini humo katika usiku wa mwaka mpya imepungua mno.

Uchomaji moto magari umepungua kwa asilimia 12, ikilinganishwa na mwaka 2013, matukio ambayo yamekuwa ni desturi kufanyika kila mwaka usiku wa mwaka mpya tangu, kutokea kwa ghasia za mwaka 2005 katika kitongoji kimoja Jijini Paris.

Idadi ya magari yaliyochomwa moto usiku wa mwaka mpya imeshuka kutoka magari 1,067 mwaka uliopita hadi kufikia magari 940 usiku wa kuukaribisha mwaka mpya wa 2015, hali iliyochangiwa na ulinzi mkali uliokuwepo kudhibiti uchomaji moto magari.