WANAUME WAWILI WAFUNGULIWA MASHTAKA MAREKANI KWA KUTAKA KUIPINDUA GAMBIA

                                                                   Rais Yahya Jammeh wa Gambia 

 

Wanaume wawili wamefunguliwa mashtaka nchini Marekani kwa kujaribu kumg'oa madarakani rais wa Gambia, Yahya Jammeh, idara ya sheria ya nchi hiyo imesema.

Washtakiwa hao ambao wanaasili ya Gambia, wanatuhumiwa kwa kula njama za kuleta madhara kwa taifa rafiki, pamoja na njama za kumiliki silaha.

Mamlaka za Gambia zimesema zimefanikiwa kuzima jaribio la kuipindua serikali lililofanywa Desemba 30, mwaka jana.

Rais Jammeh alichukua madaraka katika taifa hilo dogo la Afrika Magharibi, mwaka 1994, na amekuwa akilalamikiwa kwa kujipatia mamlaka makubwa mno.