MGOMBEA WA ODM ASHINDA UBUNGE WA JIMBO LA KAJIADO YA KATI

Mgombea wa chama kikuu cha upinzani nchini Kenya cha ODM, jana usiku ametangazwa kuwa mshindi katika uchaguzi mdogo wa Ubunge wa Kajiado ya Kati uliokuwa na ushindani mkubwa.

Mgombea huyo Elijah Memusi amepata kura 16,008 na kumshinda mgombea wa chama cha JAP Patrick Tutui aliyeibuka wa pili kwa kupata kura 15,508 huku mgombea binafsi Kuntai Nkashuma akiibuka watatu.