WABUNGE KENYA KUCHUNGUZA KITENDO CHA KENYA AIRWAYS KUKATAA KUMCHUKUA RAIS MUSEVENI

Wabunge wa Kenya watachunguza kitendo cha shirika la taifa la ndege Kenya kukataa ombi la Rais Yoweri Museveni wa Uganda la kumsafirisha kutoka Uganda kwenda Jijini Nairobi nchini Kenya.

Mbunge Ndung'u Gethenji amesema kunahaja ya kufanyika kwa uchunguzi juu ya kitendo hicho kinachoweza kuitia aibu Kenya.

Shirika la Kenya Airways lilikataa ombi la Rais Yoweri Museveni kumchukua akiwa nyumbani kwao Magharibi mwa Uganda Februari 20, mwaka huu. Shirika hilo tayari limesema linajutia kitendo hicho.