MWENDESHA MASHTAKA KESI YA UGAIDI UGANDA AUWAWA KWA KUPIGWA RISASI

Mkurugenzi Msaidizi wa Mashtaka ambaye alikuwa akiongoza upande wa mashtaka katika kesi ya tukio la ugaidi la Jijini Kampala lililotokea Julai 2010 nchini Uganda ameuwawa jana jioni.

Polisi wamesema Joan Kagezi aliuwawa majira ya saa mbili usiku na watu wenye silaha waliokuwa wakiendesha pikipiki katika eneo la Kiwatule lililopo nje kidogo ya Jiji la Kampala wakati akirejea nyumbani.

Mkurugenzi Mkuu wa Idara ya Upelelezi Grace Akullo, ambaye alienda sehemu ya tukio, amethibitisha tukio hilo ambapo amesema mwili wa Kagezi umehifadhiwa kwenye hspitali ya Mulago, na uchunguzi wa mauaji yake unaendelea.