UGOMVI WA ENEO LA MALISHO WAUWA MAKUMI YA WATU NCHINI NIGERIA

Wanawake na watoto ni miongoni mwa makumi ya watu waliokufa katika uvamizi uliofanyika kwenye kijiji kimoja kilichopo kati kati ya Nigeria.

Polisi wamesema watu 45 wamekufa katika shambulio hilo lililofanywa na watu wenye silaha katika kijiji cha Egba kwenye jimbo la Benue.

Mmoja wa wanasiasa wa eneo hilo Audu Sule amesema wanakijiji 81 wameuawa na wavamizi hao ambao wote walikuwa na silaha aina ya Kalashnikov.

Mapambano baina ya wafugaji wa kabila la Fulani na wakulima kugombani maeneo ya kuchungia mifugo yameutumbukiza mkoa huo kwenye machafuko.