WABUNGE 80 WA NRM NCHINI UGANDA WANATUMIA MAGARI YAO KAMA OFISI

Katibu Mkuu wa Chama tawala cha NRM, Justine Kasule Lumumba, amesema jumla ya wabunge 80 wa NRM nchini Uganda wamegeuza magari yao kuwa ofisi kutokana na ukosefu wa nafasi za ofisi bungeni.

Bw. Lumumba amesema matatizo hayo ni miongoni mwa changamoto kadhaa zinazowakabili wabunge zikiwemo kubeba mizigo ya kuwalipia ada watoto wa wapiga kura wao, kutatua kero za majimbo yao na kujikuta wakidaiwa na mabenki na kushindwa kulipa.

Lumumba amesema wakati wa kipindi chake cha Unadhimu Mkuu wa Bunge, alikuwa anakabiliwa na changamoto ya kuwataka wabunge kutoka kwenye magari yao wakifanyakazi za ofisi, ili warejee bungeni kwenye vikao.