WANANCHI WA NIGERIA WAENDELEA NA ZOEZI LA KUPIGA KURA

Upigaji kura katika kinyang'anyiro cha kuwani kiti cha urais umeendelea kwa siku ya pili leo nchini Nigeria kutokana na matatizo ya kiufundi yaliyopelekea uchaguzi huo kuchelewa katika baadhi ya maeneo.

Katika uchaguzi huo, rais Goodluck Jonathan anawania kuchaguliwa kwa awamu ya pili, huku akikabiliwa na upinzani mkali kutoka kwa aliyekuwa kiongozi wa kijeshi Muhammadu Buhari.

Hata hivyo zoezi hilo limeingia dosari baada ya takribani watu 20 kuuawa huko jimbo la Gombe katika mashambulizi yanahisiwa kufanywa na wapiganaji wa kundi la kigaidi la Boko Haram.

                Bibi akiweka kidole kwenye kifaa cha kumtambua mpigakura