WAZIRI MKUU WA ISRAEL BENJAMIN NETANYAHU AELEKEA KUSHINDA UCHAGUZI

Waziri Mkuu wa Israel Benjamin Netanyahu wa chama cha mrengo wa kulia cha Likud amepata ushindi wa kushangaza katika uchaguzi wa nchi hiyo uliofanyika jana.

Matokeo ya awali yameonyesha kufanya vibaya kwa chama cha Umoja wa Kizayuni chenye kufuata mrengo wa kushoto wa kati.

Huku kura nyingi zikiwa zimehesabiwa, chama cha Likud kinasemekana kimeshinda viti 29 kati ya viti 120 vya bunge huku Umoja wa Chama cha Kizayuni ukipata viti 24.

Iwapo ushindi huo utathibitishwa hii inamaanisha uwezekano wa kuundwa kwa serikali ya muungano na vyama vingine itakayoongozwa na Bw. Netanyahu.