MAHAKAMA YAMUUA MWALIMU ALIYEBAKA WATOTO NCHINI CHINA

Mahakama ya Juu Nchini China imesema imetekeleza adhabu ya kuuwawa kwa mwalimu wa shule ya msingi aliyetiwa hatiani kwa kubaka na kuwadhalilisha kingono watoto wakike 26.

Mwalimu Li Jishun alitenda makosa hayo kati ya mwaka 2011 hadi 2012 wakati alipokuwa akifundisha kwenye shule ya kijijini katika mkoa wa Gansu.

Matendo hayo ya kikatili aliwafanyia watoto wa kike wenye umri wa kuanzia miaka 4 hadi 11 kwa mujibu wa nakala ya mahakama ya juu ya China.

Kumekuwepo na matukio 7,000 ya udhalilishaji kingono watoto nchini China katika miaka ya hivi karibuni na matukio hayo yanazidi kuongezeka.