MAMIA YA WAHAMIAJI WA ROHINGYA NA BANGLADESH WAOKOLEWA NA WAVUVI

Mamia ya wahamiaji wa jamii ya Rohingya na raia wa Bangladeshi wameokolewa na wavuvi katika bahari ya Indonesia, baada ya kukaa majini tangu wiki iliyopita, huku nchi za Malaysia na Indonesia zikikubali kutoa hifadhi ya muda.

Taarifa zinaeleza wahamiaji hao 370, wakiwemo wanawake 50 na watoto 50 wamekuwepo baharini kwa wiki kadhaa wakikabiliwa na njaa huku miili yao ikiwa imeishiwa na maji ambapo pia boti yao ilikuwa ni chafu na yenye wadudu.

Wahamiaji hao wameokolewa wakati mawaziri wa Thailand, Malaysia na Indonesia wakiitisha mkutano wa dharura Jijiji Kuala Lumpur kujadili mgogoro unaokuwa wa janga hilo la wahamiaji.