PAPA FRANCIS ATANGAZA WATAKATIFU WA KWANZA WANAOONGEA LUGHA YA KIARABU

Kiongozi wa Kanisa Katoliki Duniani, Papa Francis amewatangaza masita wawili walioishi karne ya 19, wakati wa utawala wa Ottoman nchini Palestina kuwa ni watakatifu. Masista hao wanakuwa watakatifu wa kwanza waliokuwa wakiongea lugha ya kiarabu.

Watakatifu hao Marie Alphonsine Ghattas pamoja na Mariam Bawardy ni miongoni ya watakatifu wanne wapya waliotangazwa Jijini Rome katika eneo la St Peter's Square.

Rais wa Palestina Mahmoud Abbas pamoja na mahujaji wa kikristo zaidi ya 2,000 kutoka ukanda huo wamehudhuria sherehe hizo.

Uamuzi huo unaonekana kuwa ni ishara ya Vatican kuwaunga mkono wakristo wanaoishi katika mazingira ya hofu katika mataifa ya Mashariki ya Kati.