MAHAKAMA YA JUU YA SAUDI ARABIA YAKAZIA HUKUMU YA BLOGA

Mahakama ya Juu ya Saudi Arabia imekazia hukumu ya kupigwa bakora 1,000 na kifungo cha miaka 10, jela kwa bloga, Raif Badawi, licha ya mataifa ya kigeni kuipigia kelele adhabu hiyo.

Akiongea nchini Canada, mke wa bloga huyo Ensaf Haidar, ameliambia shirika la habari la AFP, kuwa uamuzi huo wa mahakama ya juu ni wa mwisho na hauwezi tena kubalishwa.

Mwezi Machi, mwaka huu utawala wa kifalme wa Saudi Arabia ulionyesha kushangazwa na hatua ya mataifa ya kigeni kuikosoa adhabu hiyo.

Aidha, Wizara ya Mambo ya Nje ya nchi hiyo ilitoa taarifa kuwa haitokubali kuingiliwa na mataifa ya kigeni katika masuala yake ya ndani ya nchi.