RAIS BARACK OBAMA WA MAREKANI AMESEMA VIONGOZI WA G7 KUTOA MSIMAMO DHIDI YA URUSI

Rais Barack Obama wa Marekani amesema viongozi wa G7 watazungumzia msimamo wao juu ya uvamizi wa Urusi nchini Ukraine, wakati akiwasili kwenye mkutano huo nchini Ujerumani.

Katika mkutano huo wa mataifa hayo ya magharibi yenye nguvu za kiuchumi duniani pia utagusia masuala ya biashara, ghasia za misimamo mikali ya kidini pamoja na mabadiliko ya hali ya hewa.

Taifa la Urusi limeondolewa katika kundi hilo ambalo awali lilikuwa likijulikana kama G8, tangu kujitenga kwa jimbo la Crimea mwaka jana na kuunga mkono waasi wa mashariki mwa Ukraine.