MTANZANIA AMESHINDA TUZO YA UBUNIFU NCHINI UINGEREZA KWA KUBUNI FILTA YA MAJI

Mtanzania ameshinda tuzo ya ubunifu nchini Uingereza kwa kubuni filta ya maji inayoweza kuchuja madini ya shaba, fluoride, bakteria, virusi na kemikali za dawa za wadudu za kunyunyuzia.

Tuzo hiyo ya ubunifu Afrika, imetwaliwa na Mhandisi wa Kemikali Askwar Hilonga ambaye ametumia ubunifu huo kwa kutumia teknolojia ya nano pamoja na mchanga kusafisha maji.

Ubunifu huo wa Mtanzania Hilonga utanufaisha asilimia 70 za kaya nchini Tanzania ambazo hazina maji salama.

Tuzo hiyo iliyoambatana na fedha kiasi cha paundi 25,000, ni ya kwanza kutolewa na Taasisi ya Uingereza ya Royal Academy of Engineering.