HILLARY CLINTON AITUHUMU CHINA KWA KUJIHUSISHA WIZI WA SIRI ZA MAREKANI

Muwania urais wa urais Marekani kwa chama cha Democratic, Hillary Clinton ameituhumu China kwa kujihusisha wizi wa siri za kibiashara pamoja na taarifa za serikali ya Marekani.

Ameituhumu China kwa kujaribu kufanya udukuzi kwa kila kitu ambacho kinafanyika Marekani na kutoa wito wa kuchukuliwa tahadhari.

Maafisa wa Marekani wameielezea China kama mtuhumiwa mkuu wa vitendo vya udukuzi wa taarifa za wakala wa serikali ya Marekani, kwa mwaka huu.

Hata hivyo China imekuwa ikikanusha kuhusika na udukuzi, na kuelezea madai ya Marekani kuwa hayana tija.