TAKUKURU YAKANUSHA KUWAKAMATA WAPAMBE WA MGOMBEA MMOJA WA URAIS CCM

Taasisi ya Kuzuia na Kupambana na Rushwa (TAKUKURU), imekanusha taarifa zilizozagaa mkoani Dodoma za kukamatwa kwa wapambe wa mmoja wa mgombea urais kwa tiketi ya CCM mkoani humo wakigawa rushwa.

Akiongea na waandishi wa habari leo Mkuu wa Takukuru wa Mkoa wa Dodoma Emma Kuhanga amesema taarifa za uvumi huo zimewafikia na kuzifanyia uchunguzi wa kina na kubaini kuwa hazina ukweli wowote.

Kuhanga amesema Takukuru imejipanga vizuri kudhibiti vitendo vya rushwa katika kipindi hiki cha uchaguzi na wakati mwingine wowote, na kutoa wito kwa wananchi kuendelea kutoa taarifa za rushwa ili wazishughulikie.