ATHLETIC BILBAO YAIKOMALIA BARCELONA NA KUTWAA SUPER CUP

Timu ya Barcelona jana usiku ilishindwa kulipa kisasi cha kipigo cha mabao 4-0 kutoka kwa Athletic Bilbao wakiwa katika dimba la nyumbani la Nou Camp na kujikuta wakikosa ubingwa wa Kombe la Super baada ya kutoka sare ya bao 1-1.

Nyota wao Lionel Messi alikuwa wa kwanza kuiandikia Barcelona lakini Athletic walipambana kiume ugenini na kufanikiwa kulichomoa goli hilo kupitia kwa Aritz Aduriz , huku Gerard Pique akitolewa nje, na kuifanya Athletic Bilbao kutwaa kombe hilo kwa mara ya kwanza tangu miaka 31 iliyopita.