AGIZO LA SERIKALI YA KENYA KUZIFUNGA SHULE ZOTE KUANZIA JUMATATU LAPINGWA NA WADAU

Agizo la serikali ya Kenya kuzifunga shule zote kuanzia jumatatu katika muda usiojulikana kufuatia mgomo wa walimu wa shule za umma nchini humo limeibua malalamiko kutoka kwa wadau wa elimu.

Shule za binafsi ambazo nazo zimeagizwa kufungwa licha ya kutoathiriwa na mgomo huo, zimeapa kutotii agizo hilo la serikali lililotolewa kupitia Wizara ya Elimu ya Kenya.

Viongozi mbalimbali nchini Kenya wamesema serikali imekimbilia kuzifunga shule badala ya kutafuta ufumbuzi wa madai ya nyongeza ya mishahara ya walimu. Chama cha siasa ODM kimetaka shule kufunguliwa.