LIONEL MESSI NJE YA DIMBA KWA WIKI SABA HADI NANE

Mshambuliaji nyota wa Barcelona Lionel Messi atakuwa nje ya dimba kwa wiki saba hadi nane baada ya kuchanika msuli wake katika eneo la goti la mguu wa kushoto.

Messi aliumia jana dakika ya tatu ya mchezo wao dhidi ya Las Palmas ulioisha kwa ushindi wa mabao 2-1, na kukimbizwa hospitali.

Kwa jeraha hilo sasa Messi anaweza akakosa mechi nane, lakini atarejea dimbani kuwavaa mahasimu wao wakuu Real Madrid katika mchezo wa Novemba 22. 

                                             Lionel Messi akilia kwa maumivu baada ya kuumia