MGOMBEA UMEYA KATIKA JIJI LA COLOGNE ACHOMWA KISU SHINGONI

Mgombea anayeongoza katika kinyang'anyiro cha umeya wa Jiji la Cologne amechomwa kisu shingoni na mwanaume mmoja anayedaiwa kuchukizwa na sera za nchi hiyo kuhusu wakimbizi.

Bi. Henriette Reker ambaye ni mgombea binafsi anayeungwa mkono na Kansela Angela Merkel wa chama cha CDU, amejeruhiwa vibaya pamoja na msaidizi wake. Watu wengine watatu wamepata majeraha madogo.

Polisi wanamshikilia mwanaume huyo Mjerumani mwenye umri wa miaka 44, mkazi wa Cologne kwa kuhusika na tukio hilo la kumchoma kisu Bi. Reker, ambaye hali yake inaelezwa kuwa bado si nzuri sana.