MABALOZI WA NCHI MUHIMU ZA MAGHARIBI NCHINI KENYA WAKERWA NA RUSHWA

Mabalozi wa nchi muhimu za magharibi nchini Kenya wameonyeshwa kusikitishwa na matukio ya mfululizo ya kashfa za rushwa yaliyoikumba serikali ya Jubilee na kusema yanadhoofisha uchumi na usalama.

Katika taarifa yao ya pamoja mabalozi hao wa mataifa 11 ya magharibi, ambao ni miongoni mwa wafadhili wakubwa wa Kenya wametishia kuwawekea vikwazo vya kutokusafiri nje maafisa wa serikali waliohusishwa na vitendo vya rushwa.

Baada ya kutembelea Tume ya Maadili na Kukabiliana na Rushwa (EACC), wawakilishi hao wa mataifa ya kigeni Kenya wamesema hawawezi kukaa na kuangalia tu uongozi wa serikali ya rais Uhuru Kenyatta ukikithiri kwa rushwa.