CHELSEA YASHINDA BILA JOSE MOURINHO HATA HIVYO MASHABIKI BADO WAMLILIA KOCHA WAO

Timu ya Chelsea imeanza kwa ushindi bila ya kocha Jose Mourinho katika mchezo wao wa Ligi Kuu ya Uingereza dhidi ya Sunderland ulioishia kwa mabao 3-1 katika dimba la Stamford Bridge, huku mashabiki wakionekana kuendelea kumtetea Mourinho.

Mashabiki wa Chelsea walionyesha wazi kumuunga mkono Mourinho aliyetimuliwa kwa kuwa na mabango ya kitambaa yanayowalaumu wachezaji kwa kumuangusha kocha huyo, huku Diego Costa na Cesc Fabregas wakizomewa kabla na baada ya kumalizika mchezo huo.

Katika mchezo huo Branislav Ivanovic aliruka juu na kufunga kwa kichwa kikali mnamo dakika ya tani na kuiongoza Chelsea, mabao mengine ya Chelsea yalifungwa na Pedro dakika ya 13 na Oscar dakika ya 50 kwa mkwaju wa penati.

                  Branislav Ivanovic akiwa ameruka juu kupiga kichwa kilichozaa goli

                 Mpira wa kichwa uliopigwa na mchezaji Branislav Ivanovic ukitinga wavuni 

                                      Ujumbe wa kumsifia Mourinho ukionekana umefungwa 

                                                 Ujumbe wa kuwaponda Hazzard, Cecs na Costa
 

Matokeo mengine:- Everton 2 - 3 Leicester, Man Utd 1 - 2 Norwich, Southampton 0 - 2 Tottenham, Stoke 1 - 2 Crystal Palace na West Brom 1 - 2 Bournemouth.