MKE WA MWANAHARAKATI ALIYEFUNGWA SAUDI ARABIA AKAMATWA

Mke wa mwanaharakati maarufu wa haki za binadamu nchini Saudi Arabia, Waleed Abu al-Khair amekamatwa, wanaharakati wa nchi hiyo wamesema.

Mke huyo wa al-Khair, Bi. Samar Badawi alikamatwa kwa madai ya kumiliki akaunti ya twitta inayotoa wito wa kutaka kuachiwa huru kwa mumewe.

Shirika la Amnesty International limekiita kitendo cha kukamatwa Bi. Badawi kama mfanu wa hivi karibuni wa namna Saudi Arabia inavyojaribu kuzima haki za binadamu.

Abu al-Khair amehukumiwa kifungo cha miaka 15 jela kwa kudharau mamlaka ya Saudi Arabia tangu mwaka 2014.