KIPIGO CHAISUKUMA NEWCASTLE KUELEKEA KATIKA KUNDI LA KUSHUKA DARAJA

Timu ya Newcastle imeendelea kuporomoka karibu na kundi la kushuka daraja baada ya kushindwa kiulaini na Southampton kwa kukubali kipigo cha mabao 3-1 katika dimba la St Mary.

Alikuwa Shane Long aliyeipatia timu yake bao la kuongoza katika dakika ya nne na kisha Graziano Pelle aliongeza la pili katika mchezo ambao Southampton walianza vizuri wakiwa katika dimba la nyumbani.

Southampton waliandika bao la tatu katika kipindi cha pili kupitia kwa Victor Wanyama aliyeachia shuti kali la karibu, huku Newcastle wakipata bao pekee la kufutia machungu ya kipigo hicho kupitia kwa Andros Townsend.

                                                        Victor Wanyama akishangilia goli lake

            Graziano Pelle akijipinda kuachia shuti lililojaa wavuni na kuandika goli