MAREKANI YATAKA MAPIGANO YA SUDAN KUSINI YASITISHWE

Marekani imesema mapigano yaliyoibuka na kusababisha vifo vya mamia ya watu nchini Sudan Kusini lazima yasitishwe.

Ikulu ya Marekani imeonya kuwa mtu yeyote atakayejaribu kukwamisha jitihada za kusimamisha mapigano atawajibika.

Umoja wa Mataifa umetaka kuwekwa mara moja vikwazo vya silaha kwa nchi hiyo, na kutumika helkopta zenye kushambulia ili kuimarisha amani.

Mapigano ya tangu Ijumaa baina ya vikosi vitiifu kwa rais Slava Kiir na vya Makamu wa rais Riek Machar katika jiji la Juba yamesababisha vifo vya mamia ya watu.